Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat A.Kulbayev tomonidan tumanning “Sari-Qangli” mahallasiga biriktirilgan soliq inspektori G.Duysenova faoliyati o‘rganildi.

🔻O‘rganish davomida soliq inspektorining mahalladagi tadbirkorlik subyektlari va fuqarolar bilan ishlash tizimi, soliq majburiyatlarini o‘z vaqtida bajarish bo‘yicha tushuntirish ishlarini olib borishi, mavjud muammolarni aniqlash va ularni hal etish borasidagi faoliyatiga alohida e’tibor qaratildi. Xususan, mahallada faoliyat yuritayotgan tadbirkorlik subyektlari, o‘zini o‘zi band qilgan fuqarolar hamda boshqa soliq to‘lovchilarning hisobini yuritish, ularga soliq qonunchiligidagi o‘zgarishlar yuzasidan tushuntirishlar berish, soliqlarni o‘z vaqtida va to‘g‘ri hisoblash hamda to‘lash masalalari o‘rganildi.

🔻Shuningdek, mahallada yangi tadbirkorlik subyektlarini tashkil etish, yashirin iqtisodiyotning oldini olish, faoliyatini to‘xtatgan yoki norasmiy ishlayotgan subyektlarni aniqlash, aholi va tadbirkorlarni qonuniy faoliyat yuritishga jalb qilish borasida amalga oshirilayotgan ishlar holati ko‘rib chiqildi.

🔻Deputat tomonidan soliq inspektoriga mahallada soliq bazasini kengaytirish, tadbirkorlikni qo‘llab-quvvatlash, soliq to‘lovchilar bilan ochiq va tizimli muloqotni yo‘lga qo‘yish, aniqlangan muammolarni joyida hal etish hamda soliq tushumlarini oshirish bo‘yicha ishlarni yanada kuchaytirish yuzasidan tavsiyalar berildi.