Xalıq deputatları Qaraózek rayonlıq Keńesi 11-Qarabuǵa saylaw okrugi deputatı S.Xalmuratov hám 13-Qara aǵash saylaw okrugi deputatı  M.Gulimbetov, sekretariat bas qánigesi M.Atajanovlar "A.Dosnazarov" awıl puqaralar jıyını wákilleri menen ushırasıw ótkerdi. Ushırasıwda deputatlar menen máhálle wákilleriniń birge islesiwin elede janlandırıw hám "Bir Watan, bir xalıq bolıp, jańa turmıs hám keleshek quramız!" bas ideyası astında bayramdı joqarı kóterińki ruwxta ótkeriw hám aymaqta kóshe átirapların abadanlastırıw baǵdarında toqtalıp ótti. Bunnan soń puqaralardıń pikir hám usınısları tıńlanılıp, deputatlıq qadaǵalawǵa alındı. Bunnan soń deputatlar hám máhálle wákilleri aymaqtaǵı mákeme shólkemlerde bolıp "Bir Watan, bir xalıq bolıp, jańa turmıs hám keleshek quramız!" súreni astında Ǵárezsizligimizdiń 35 jıllıǵı múnásibeti menen abadanlastırıw jumıslarına belsene qatnasıw hám kóshe boyların tazalaw, terek nállerin tártipke keltiriw baǵdarında úgit-násiyat jumısların alıp bardı.