#fuqarolar_murojaati
#deputatlik_nazorati
#amaliy_natija

FUQAROLAR MUROJAATI — DEPUTAT E’TIBORIDA

O‘zbekiston Respublikasining 2017-yil 11-sentabrdagi O‘RQ-445-son “Jismoniy va yuridik shaxslarning murojaatlari to‘g‘risida”gi Qonuni talablariga muvofiq, fuqarolarning murojaatlarini o‘rganish, ularning qonuniy manfaatlarini himoya qilish va ko‘tarilgan masalalarga amaliy yechim topish deputatlik faoliyatining muhim yo‘nalishlaridan biridir.

Shu asosda, Xalq deputatlari Kogon shahar Kengashi deputati, Kengashning Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zosi S. Xamrayev o‘z saylov okrugidagi fuqarolar bilan uchrashib, ularning murojaatlarini tingladi.

Murojaatlar davomida ko‘chalardagi elektr simlarining daraxt shoxlariga tegib turgani, shuningdek, hududdagi suv nasoslari bilan bog‘liq masalalar ko‘tarildi. Fuqarolar mazkur holatlar ayrim noqulayliklarni yuzaga keltirayotganini bildirdilar.

Shuningdek, deputat tomonidan ko‘chalardagi elektr simlari va suv nasoslarining mavjud holati joyiga chiqib o‘rganildi. Aniqlangan masalalar tegishli tashkilotlar vakillari bilan muhokama qilinib, ularni bartaraf etish bo‘yicha amaliy ishlar boshlandi.

Murojaatga ijobiy yechim topish maqsadida tegishli tashkilotlar bilan hamkorlikda amaliy ishlar olib borilmoqda. Fuqarolarning xavfsizligi va qulayligini ta’minlash, mavjud muammolarni to‘liq bartaraf etish yuzasidan zarur choralar ko‘rilmoqda.

Mazkur murojaatlar tez orada ijobiy yechim topishi va fuqarolarni qiynab kelayotgan masalalar amaliy jihatdan bartaraf etilishi ko‘zda tutilgan.

Muammo o‘rganildi — amaliy ish boshlandi.

Mas'ul Kengash bosh mutaxassisi Z.Temirova.

Xalq deputatlari
Kogon shahar Kengashi
axborot xizmati

Telegram. Instagram. Facebook. Youtube. E-kengash