Xalq deputatlari Parkent tumani Kengashiga 17-“Bo‘rsiliq” saylov okrugidan saylangan deputat, doimiy komissiya raisi Muxitdinov Xusnitdin Muxitdinovich tomonidan o‘zi saylangan hududdagi “Navro‘z” mahallasining “Muqumiy” ko‘chasida istiqomat qiluvchi aholi bilan uchrashuv o‘tkazildi. Unda mahalla yettiligi a’zolari ham ishtirok etdi.Uchrashuv davomida fuqarolar bilan ochiq muloqot tashkil etilib, hududdagi mavjud muammolar, aholini qiynab kelayotgan masalalar hamda ularning yechimi yuzasidan takliflar muhokama qilindi. Muloqot davomida fuqarolar tomonidan jami 2 ta murojaat bildirildi.Xususan, “Muqumiy” ko‘chasida ayni vaqtda ichimlik suvi ta’minotida uzilishlar kuzatilayotgani ko‘cha boshlig‘i tomonidan ma’lum qilindi. Shuningdek, mahalladagi eski simyog‘ochlarni yangilariga almashtirish zarurligi yuzasidan ham murojaat bildirildi.Fuqarolar tomonidan bildirilgan murojaat va takliflar deputat tomonidan belgilangan tartibda qayd etildi.Mavjud muammolarni mas’ul tashkilotlar bilan hamkorlikda o‘rganish, zarur hollarda tegishli tashkilotlarga deputatlik so‘rovlari yuborish, aniqlangan masalalarning qonuniy yechimini ta’minlash hamda ularning ijrosini nazoratga olish belgilandi.