Xalıq deputatları Bozataw rayonlıq Keńesi sekretariatınıń baslıǵı A.Ibragimov hám 13-sanlı "Porıltaw" saylaw okruginen saylanǵan deputat K.Bisenov Porıltaw máhállesinde jaylasqan tez medicinalıq járdem kórsetiw punktinde bolıp, onıń materiallıq-texnikalıq jaǵdayın hám xalıqqa medicinalıq járdem kórsetiw ushın jaratılǵan sharayatlardı úyrendi.

Úyreniw barısında punkttegi medicinalıq xızmettiń sapası, xalıqtıń múrájatlarına tez hám nátiyjeli juwap beriw imkaniyatları, sonday-aq, jumıs sharayatları menen baylanıslı máselelerge itibar qaratıldı.

Anıqlanǵan máseleler boyınsha tiyisli taraw wákilleri menen pikir alısıp, xalıqqa tez hám sapalı medicinalıq járdem kórsetiwdi támiyinlew boyınsha tiyisli ilajlardı kóriw zárúr ekenligi belgilep alındı.

Deputatlar tárepinen máhálle aymaǵındaǵı sociallıq hám medicinalıq nızamshılıqlar turaqlı úyrenilip, puqaralardıń múrájatların sheshiwge ayrıqsha itibar qaratılmaqta.