📌Haftalik ish rejalari belgilandi

Haftaning ilk ish kunida Xalq deputatlari Samarqand viloyati Kengashi kotibiyatida navbatdagi yig‘ilish bo‘lib o‘tdi.

🌀 Unda o‘tgan hafta davomida amalga oshirilgan ishlar, berilgan topshiriqlar ijrosi hamda erishilgan natijalar muhokama qilinib, faoliyat samaradorligini yanada oshirish masalalari ko‘rib chiqildi. Shuningdek, mavjud muammolar va ularni bartaraf etish yuzasidan takliflar tinglandi.

✔️ Yig‘ilishda joriy haftada amalga oshirilishi rejalashtirilgan tadbirlar, deputatlik faoliyatini muvofiqlashtirish, sessiyalar va doimiy komissiyalar faoliyatini tashkiliy qo‘llab-quvvatlash, shuningdek, fuqarolar murojaatlari bilan ishlashning ustuvor yo‘nalishlari belgilab olindi.

♾ Muhokamalar yakunida mas’ul xodimlarga aniq vazifalar yuklatilib, topshiriqlarning o‘z vaqtida va sifatli bajarilishini ta’minlash bo‘yicha tegishli ko‘rsatmalar berildi.