Xalq deputatlari Qo‘qon shahar Kengashi deputati F.Qaxxarova tomonidan “Kalvak” mahalla fuqarolar yig‘inida navbatdagi o‘rganish ishlari olib borildi.

O‘rganish jarayonida Kengash kotibiyati bosh mutaxassislari X.Abdullayev va A.Adhamov tomonidan amaliy ko‘mak ko‘rsatildi.

O‘rganish davomida mahalla hududida joylashgan “Kimyogarlar o‘yingohi”ning bugungi holati ko‘zdan kechirildi. Mazkur o‘yingoh hozirgi kunda o‘ta tashlandiq holatga kelib qolgani aniqlandi.

Shuningdek, o‘yingoh joylashgan hududda tadbirkorlik subyekti tomonidan ko‘p qavatli uy-joy qurish loyihasi bo‘yicha tashabbus bildirilgani ma’lum bo‘ldi.

Mazkur loyiha yuzasidan mahalla aholisi tomonidan norozilik va murojaatlar bildirilayotgani aniqlandi. Shu munosabat bilan deputat tomonidan masala joyiga chiqib o‘rganildi, o‘yingoh hududining mavjud holati va undan foydalanish masalalari ko‘zdan kechirildi.

O‘rganish yakunida mahalla fuqarolarining fikr-mulohazalarini inobatga olgan holda mazkur masalani tegishli mutasaddi tashkilotlar bilan hamkorlikda batafsil o‘rganish hamda qonuniy yechim topish zarurligi qayd etildi. Masala deputat F.Qaxxarova nazoratiga olindi.

Xalq deputatlari Qo‘qon shahar Kengashi