Xalq deputatlari Nurobod tumani Kengashining 16-Sazag‘on saylov okrugidan saylangan deputat D.Abulqosimova Sazag‘on mahallasidagi ko‘cha boshilari bilan uchrashuv o‘tkazdi.

Uchrashuvning asosiy maqsadi — mamlakatimiz bo‘ylab o‘tkazilayotgan «Dolzarb 40 kunlik» obodonlashtirish va ko‘kalamzorlashtirish haftaligi doirasida aholi faolligini oshirish hamda hudud tozaligini ta’minlashdan iborat bo‘ldi.

Muloqot davomida deputat har bir ko‘cha va xonadonda tozalik madaniyatini yuksaltirish, hududlarni tartibga keltirish va yashil hududlarni ko‘paytirishda jamoatchilik nazorati hamda mahalla ahlining birdamligi muhim ahamiyatga ega ekanligini ta’kidladi.

Shuningdek, ko‘cha boshilariga aholi o‘rtasida tushuntirish ishlarini samarali tashkil etish va jamoat hasharlarida fuqarolar ishtirokini ta’minlash bo‘yicha tegishli tavsiyalar berildi.