Xalq deputatlari Nurobod tumani Kengashi deputati G.Xusanova tomonidan 2-Konchi saylov okrugi hududida joylashgan 19-sonli Davlat maktabgacha ta’lim tashkilotida (DMTT) o‘rganish ishlari olib borildi.
O‘rganish jarayonida deputat e’tiborini asosiy masalalar — tarbiyalanuvchilar uchun yaratilgan shart-sharoitlar va oziq-ovqat xavfsizligini ta’minlash holatiga qaratdi.

O‘rganish davomida oziq-ovqat xavfsizligi: Oshxona faoliyati, mahsulotlarning saqlanish sharoitlari, ularning sifat sertifikatlari va kunlik taomnomaga amal qilinishi;
Sanitariya va gigiyena: Mashg‘ulot hamda dam olish xonalarining sanitariya talablariga mosligi;
Moddiy-texnik baza: Bolalarning sifatli ta’lim-tarbiya olishi hamda xavfsiz hordiq chiqarishi uchun yaratilgan qulayliklar ko‘zdan kechirildi.

O‘rganish yakunida deputat G.Xusanova muassasa rahbariyati hamda mas’ul xodimlarga bolalar salomatligini muhofaza qilish, ovqatlanish ratsionini belgilangan me’yorlar asosida tashkil etish va aniqlangan kichik kamchiliklarni o‘z vaqtida bartaraf etish bo‘yicha tegishli tavsiya va ko‘rsatmalar berdi.