🚦 Yo‘l harakati xavfsizligi masalasi o‘rganildi

Xalq deputatlari Navoiy shahar Kengashi deputati Irgasheva Nilufar Uralovna, Kengash kotibiyati mudiri Jo‘rabek Hafizov hamda bosh mutaxassis Muborak Astanova Navoiy shahar IIB JXX YHXBda bo‘lib, Kengashning navbatdagi sessiyasi kun tartibiga kiritiladigan masala yuzasidan o‘rganish olib bordilar.

✅ O‘rganish davomida Navoiy shahridagi «Xumo» va «Yangiobod» mahallalari hududida yo‘l harakati xavfsizligini ta’minlash, yo‘l belgilari bilan ta’minlanganlik holati hamda aholi uchun xavfsiz harakatlanish sharoitlari ko‘rib chiqildi.

🔎 Shuningdek, hududdagi mavjud muammolarni aniqlash, ularni bartaraf etish hamda zarur joylarga yo‘l belgilarini o‘rnatish masalalariga e’tibor qaratildi.

⚖️ Mazkur o‘rganish O‘zbekiston Respublikasining 2024-yil 19-yanvardagi O‘RQ-900-son «Yo‘l harakati to‘g‘risida»gi Qonuni hamda Vazirlar Mahkamasining 2022-yil 12-apreldagi 172-son qarori talablari asosida amalga oshirildi.

✅O‘rganish yakunlari bo‘yicha navbatdagi sessiya kun tartibiga kiritiladigan masala yuzasidan tegishli taklif va tavsiyalar shakllantirildi.

Xavfsiz yo‘l — inson hayoti va salomatligining muhim kafolatidir!