O‘zbekiston Respublikasi Prezidenti Shavkat Mirziyoyevning Amerika Qo‘shma Shtatlari Prezidenti Donald Tramp bilan telefon orqali muloqoti mamlakatlarimiz o‘rtasidagi strategik sheriklik munosabatlarini yanada mustahkamlash nuqtai nazaridan muhim ahamiyatga ega.
🌏Mazkur muloqot, avvalo, O‘zbekiston va AQSH o‘rtasidagi o‘zaro manfaatli hamkorlikni yangi bosqichga olib chiqish, savdo-iqtisodiy aloqalarni kengaytirish, investitsiyalarni jalb etish, zamonaviy texnologiyalar va innovatsiyalar sohasida hamkorlikni rivojlantirish uchun yangi imkoniyatlar yaratishi bilan ahamiyatlidir.
🌏Deputat sifatida ushbu muloqotni O‘zbekistonning ochiq va pragmatik tashqi siyosati, milliy manfaatlarimizga mos ravishda xalqaro hamkorlikni izchil kengaytirish borasidagi sa’y-harakatlarning muhim davomi sifatida baholayman.
🌏Eng muhimi, bunday yuqori darajadagi muloqotlar mamlakatimiz iqtisodiy salohiyatini yuksaltirish, yangi investitsiya va texnologiyalarni jalb etish, tadbirkorlikni rivojlantirish hamda yurtimiz aholisi farovonligini yanada oshirishga xizmat qilishiga ishonaman.
🌏O‘zbekiston–AQSH munosabatlarining izchil rivojlanishi mamlakatimizning xalqaro maydondagi nufuzini mustahkamlash bilan bir qatorda, yangi iqtisodiy va ijtimoiy imkoniyatlar eshigini ochadi.

Xalq deputatlari Jondor tumani Kengashi deputati N.Murodov