Xalq deputatlari Chilonzor tumani Kengashi deputati Nazirov Madaminjon Ma’rufjon o‘g‘li tomonidan 15-Naqqoshlik saylov okrugi hududidagi mahallalarda aholi, ayniqsa bolalar va yoshlar uchun mo‘ljallangan sport inshootlari mavjudligi hamda ularning texnik va sanitariya holati o‘rganildi.

O‘rganish davomida sport maydonchalari, ochiq sport inshootlari va bolalar sport bilan shug‘ullanishi uchun yaratilgan sharoitlar ko‘zdan kechirildi. Mavjud infratuzilmaning foydalanish darajasi, jihozlarning holati, xavfsizlik talablariga muvofiqligi va ta’mirtalab obyektlar yuzasidan tegishli masalalar muhokama qilindi.

Deputat tomonidan aniqlangan kamchiliklarni bartaraf etish, sport infratuzilmasini yanada rivojlantirish hamda bolalar va yoshlar uchun qulay va xavfsiz sport muhitini yaratish bo‘yicha tegishli tashkilotlar bilan hamkorlikda zarur choralar ko‘rish yuzasidan taklif va tavsiyalar bildirildi.