Qaraózek rayonı Quralpa awıl puqaralar jıyını aymaǵında Xalıq deputatları Qaraózek rayonlıq Keńesi 20-"Quralpa" saylaw okruginen deputat M.Kazakbaev, sekretariat bas qánigesi M.Atajanov hám máhálleden, rayonlıq mákemelerden wákiller menen birgelikte aymaq turǵınları qatnasında ushırasıw ótkerdi.
Ushırasıwda jańadan qabıl etilgen nızam hám qararlar, aymaqtı rawajlandırıw baǵdarında ámelge asırılıp atırılǵan jumıslar haqqında maģlıwmat berildi.
Saylawshılardıń múrájat hám usınısı deputatlıq qadaǵalawǵa alınıp, máhálle wákilleri menen birgelikte aldaǵı wazıypalar belgilendi. Ózbekstan Respublikası Ministrler Kabinetiniń 2024-jıl 11-oktyabr kúngi 665-sanlı qararına tiykar Quralpa awıl puqaralar jıyını ishki jollarına qum-shaǵal aralaspasın tósew belgilengen edi.
Búgingi kúnde rayonlıq abadanlastırıw basqarması tárepinen Quralpa awıl puqaralar jıyınında rekonstrukciya jumısları baslanıp atır. Bul jumıslardıń barısı boyınsha Xalıq deputatları Qaraózek rayonlıq Keńesi 20-"Quralpa" saylaw okruginen deputat M.Kazakbaev, sekretariat bas qánigesi M.Atajanov hám máhálle wákilleri abadanlastırıw basqarması qánigesi menen úyreniw jumısların alıp bardı. Qaraózek rayonı Quralpa awıl puqaralar jıyını aymaǵında "Máhállelerde abadanlıq hám miyrim-shápáát aylıǵı" sheńberinde abadanlastırıw jumıslarına belsene qatnasıw baǵdarında Xalıq deputatları Qaraózek rayonlıq Keńesi 20-"Quralpa" saylaw okruginen deputat M.Kazakbaev hám máhálle wákilleri tárepinen úgit-násiyat jumısları alıp barılıp, úy átirapın hám kóshe boyların abadanlastırıw hám terek nállerin tártipke keltiriw baǵdarında bir qatar jumıslar ámelge asırılmaqta. Ashıq byudjet"tiń 2026-jıl birinshi máwsiminde Ózbekstan Respublikası Oliy Majlisi Nızamshılıq palatası 4-Qaraqalpaqstan okruginen deputat B.Aldamuratovtıń wákilligi sheńberinde tańlaǵan hámde qosımsha jeńimpaz dep járiyalanǵan (ID: 053464289002) joybar - Quralpa APJ aymaǵındaǵı 21-mektepten Bes jap kópir aralıǵındaǵı 95V004d-jolǵa qara qaplamalı asfalt jatqızıw jumısları "BATIRBEK XABIBULLAEV" JShJ tárepinen búgingi kúnde juwmaqlanıp, aymaq turǵınlarına paydalanıwǵa tapsırılǵan.
Jolda qurılıs-ońlaw jumısları juwmaǵı Xalıq deputatları Qaraózek rayonlıq Keńesi 20-"Quralpa" saylaw okruginen deputat M.Kazakbaev, sekretariat bas qánigesi M.Atajanov hám máhálle wákilleri qatnasında úyrenildi. Qaraózek rayonı Quralpa awıl puqaralar jıyını aymaǵında ushırasıwda puqaralar tárepinen bildirilgen múrájatlar tiykarında deputat. M.Kazakbaev orınlarǵa barıp úyreniw jumısların alıp bardı hám deputatlıq qadaǵalawǵa alındı.