Xalq deputatlari Qo‘qon shahar Kengashi kotibiyati mudiri A.Nosirov hamda “Madad” nodavlat notijorat tashkiloti huquqshunosi M.Toshboltayeva ishtirokida doimiy komissiyalar tomonidan o‘tkazilgan o‘rganishlar yakunlari bo‘yicha qabul qilingan qarorlar ijrosi yuzasidan ishchi uchrashuv o‘tkazildi.

Uchrashuv davomida doimiy komissiyalar tomonidan o‘rganishlar natijasida belgilangan vazifalar, berilgan topshiriqlar va qabul qilingan qarorlarning ijro holati atroflicha muhokama qilindi.

Shuningdek, qarorlar ijrosini ta’minlashda qonunchilik talablariga rioya etish, mas’ul tashkilotlar tomonidan belgilangan vazifalarni o‘z vaqtida va sifatli bajarish hamda aniqlangan muammolarni bartaraf etish masalalariga alohida e’tibor qaratildi.

Uchrashuv yakunida ijro intizomini mustahkamlash, doimiy komissiyalar tomonidan olib borilgan o‘rganishlarning amaliy natijadorligini oshirish hamda qabul qilingan qarorlar ijrosini nazorat qilishni kuchaytirish yuzasidan tegishli taklif va tavsiyalar bildirildi.

Xalq deputatlari Qo‘qon shahar Kengashi