Kichik sanoat zonasi tashkil etilayotgan hudud o‘rganildi.

Xalq deputatlari Bag‘dod tumani Kengashining "16-Qo‘shchinor" saylov okrugi deputati F.Sarimsaqov hamda Kengash Kotibiyati mudiri G‘.Abdullayev tomonidan "Qo‘shchinor" mahalla fuqarolar yig‘ini "Durodgor" ko‘chasida tashkil etilishi rejalashtirilgan "kichik sanoat zonasi" joyida o‘rganildi.

O‘rganish davomida mazkur hududda 50 ga yaqin maishiy xizmat ko‘rsatish obyektlari hamda savdo do‘konlari barpo etilishi rejalashtirilgani, loyiha to‘liq amalga oshirilishi natijasida esa 160 ga yaqin yangi ish o‘rinlari yaratilishi ko‘zda tutilgani qayd etildi.

Shuningdek, loyiha hududining muhandislik-kommunikatsiya va boshqa infratuzilmasini yanada yaxshilash, loyihani sifatli va o‘z vaqtida amalga oshirish yuzasidan deputat tomonidan amaliy ko‘mak ko‘rsatilishi belgilandi.