Viloyat va shahar Kengashi deputatlari Samarqand shahridagi Devoli Kundalang mahallasida bo‘ldilar

📍Xalq deputatlari Samarqand viloyati Kengashi deputati Feruza Xankeldiyeva hamda Xalq deputatlari Samarqand shahar Kengashi deputati Gulbahor Rahmonova Devoli Kundalang mahalla fuqarolar yig‘inida bo‘lib, hududdagi mavjud muammolar, aholini qiynayotgan masalalar va amalga oshirilayotgan bunyodkorlik ishlari bilan yaqindan tanishdilar.

✔️O‘rganishlar davomida ichki yo‘llarning holati, ichimlik suvi, elektr energiyasi va tabiiy gaz ta’minoti, ko‘cha yoritish tizimi, obodonlashtirish hamda sanitariya ishlari, aholi bandligini ta’minlash bilan bog‘liq masalalar joyiga chiqqan holda ko‘zdan kechirildi.

🤝 Mahalla faollari, nuroniylar, xotin-qizlar va yoshlar bilan o‘tkazilgan ochiq muloqot chog‘ida fuqarolar tomonidan bildirilgan murojaat va takliflar tinglanib, ularni hal etish yuzasidan mutasaddi tashkilotlar bilan hamkorlikda amaliy choralar belgilandi.

♾ Shuningdek, hududda olib borilayotgan qurilish va obodonlashtirish ishlari, ijtimoiy infratuzilmani rivojlantirish hamda aholi turmush farovonligini oshirishga qaratilgan loyihalarning ijrosi ham muhokama qilindi.

⚡️Aniqlangan muammolar va fuqarolar murojaatlari deputatlik nazoratiga olinib, ularni bosqichma-bosqich bartaraf etish yuzasidan tegishli tashkilotlar bilan hamkorlikda zarur choralar ko‘rilishi ta’kidlandi.