Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan sug‘oriladigan maydonlarning unumdorligini oshirish, meliorativ holatini yaxshilash, suv ta’minotini yaxshilash hamda qishloq xo‘jaligida resurs tejovchi zamonaviy sug‘orish texnologiyalarini joriy etish bo‘yicha belgilangan vazifalarning tumanda ijro etilishi holati yuzasidan hududlarda o‘rganish ishlari olib borilmoqda.
Mazkur yo‘nalish doirasida Xalq deputatlari Pastdarg‘om tumani Kengashi deputati M.Altibayeva tomonidan Chandirobod MFY hududida o‘rganish ishlari olib borildi.
O‘rganish davomida hududdan o‘tuvchi zovurlarning holati, sug‘orish tizimining samaradorligi hamda aholi tomorqalarini suv bilan ta’minlash masalalari ko‘zdan kechirildi.
Aniqlanishicha, mazkur zovur orqali 50–60 ta xonadonning tomorqa yer maydonlari sug‘oriladi. Biroq zovurlarning ayrim qismlarida tozalash va qazish ishlarini amalga oshirish zarurati mavjudligi sababli suv o‘tish imkoniyatlarini yaxshilash talab etilmoqda.
Mazkur masala yuzasidan zovurlarni tozalash va qazish ishlarini amalga oshirish, aholi tomorqalarini suv bilan barqaror ta’minlash bo‘yicha tegishli takliflar shakllantirildi.