#Deputatlik_nazorati #Kotibiyat_hududlarda #Sessiya_oldi_organish #haftalik_ish_reja_ijrosi

ELEKTR TA'MINOTI BARQARORLIGI – DEPUTATLIK NAZORATIDA

🗂 Xalq deputatlari Uchtepa tumani Kengashining navbatdagi sessiyasi kun tartibiga kiritilgan kuz-qish mavsumiga tayyorgarlik masalalarini joylarda o‘rganish bo‘yicha, Oliy Majlis Senati tomonidan berilgan tavsiyalar ijrosi doirasida Shaftolizor mahallasida elektr ta'minoti infratuzilmasi holati o‘rganildi.

💼 Mazkur o'rganishda xalq deputatlari Uchtepa tumani Kengashi kotibiyati mudiri Anvar Usmanov, bosh mutaxassis Umidbek Abilov hamda tegishli mas'ullar ishtirok etishdi.

⚡ O‘rganish davomida hududdagi 2437 va 6329-sonli transformator punktlari (TP)ning texnik holati, kuz-qish mavsumida uzluksiz elektr ta'minotini ta'minlash darajasi hamda mavjud uskunalarning sozligi mas'ul mutaxassislar ishtirokida ko‘zdan kechirildi.

💬 Shuningdek, transformator punktlarining mavsumiy yuklamaga tayyorgarligi, profilaktik ishlarning borishi va mavjud kamchiliklarni bartaraf etish yuzasidan mas'ullar bilan atroflicha muhokama o‘tkazildi.

📁 O‘rganish yakunida aniqlangan kamchiliklarni bartaraf etish hamda elektr ta'minoti barqarorligini ta'minlash bo‘yicha tegishli tavsiya va topshiriqlar berildi. Mazkur masala deputatlik nazoratida davom ettiriladi.