Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan “Toza hudud” davlat unitar korxonasining tumanda sanitariya-epidemiologik holatni yaxshilash, chiqindilarni o‘z vaqtida olib chiqib ketish hamda debitor qarzdorliklarni undirish bo‘yicha amalga oshirayotgan ishlari yuzasidan hududlarda o‘rganish ishlari olib borilmoqda.
Mazkur yo‘nalish doirasida Xalq deputatlari Pastdarg‘om tumani Kengashi deputati A.Turdiqulov Baxshiboyi mahallasida bo‘lib, hududdagi sanitariya holati va chiqindilarni boshqarish tizimini o‘rgandi.
O‘rganish davomida mahallada mavjud 11 ta ko‘cha holati bilan tanishilib, Marg‘iyona ko‘chasi (8-ko‘cha) ko‘chaboshisi O.Muradov hamda ko‘cha nuroniysi X.Shonazarov bilan uchrashuv o‘tkazildi.
Suhbat davomida mahallada maishiy chiqindilarni yig‘ish va olib chiqib ketish, hudud tozaligini ta’minlash, sanitariya holatini yaxshilash hamda aholiga ko‘rsatilayotgan xizmatlar sifati yuzasidan fikr va takliflar tinglandi.
Aniqlangan masalalar umumlashtirilib, “Toza hudud” DUK rahbarining sessiyadagi hisoboti muhokamasida ko‘rib chiqish hamda mavjud muammolarni bartaraf etish bo‘yicha tegishli takliflar kiritish uchun foydalaniladi.