Yangi oʻquv yili boshlanishiga sanoqli kunlar qolayotgan ushbu masʼuliyatli pallada taʼlim muassasalarining tayyorgarlik holati va oʻquvchilar uchun yaratilgan shart-sharoitlarni oʻrganish eng muhim vazifalarimizdan biridir.
Shu munosabat bilan, Olmaliq shahar "Tinchlik" mahallasi hududida joylashgan 12-sonli umumtaʼlim maktabida amaliy oʻrganish va monitoring ishlari olib borildi.

🎯 Oʻrganish davomida"
Sport infratuzilmasi: Maktab sport zalining bugungi holati va mavsumga tayyorgarligi;
Moddiy-texnik baza: Sport anjomlarining yetarlilik darajasi hamda zaruriy zaxira bazasining mavjudligi;
Toʻgaraklar faoliyati: Oʻquvchi-yoshlarning darsdan tashqari vaqtini mazmunli tashkil etish, ularni sportga keng jalb qilish uchun toʻgaraklar ishining yoʻlga qoʻyilganligi;
Kadrlar salohiyati: Dars berayotgan va toʻgaraklarni olib borayotgan pedagog hamda murabbiylarning malaka darajasi va kasbiy tayyorgarligi.
“Sogʻlom va barkamol avlodni tarbiyalashda sifatli taʼlim bilan birga, jismoniy tarbiya va sportning oʻrni beqiyosdir. Maqsaddimiz — har bir bolaning oʻz qiziqishi boʻyicha sport bilan shugʻullanishi uchun xavfsiz va zamonaviy sharoit yaratishdir.”
📋 Natijalar va nazorat:
Oʻrganish jarayonida ijobiy ishlar bilan bir qatorda muayyan kamchiliklar va yechimini kutayotgan masalalar ham kuzatildi. Aniqlangan barcha kamchilik va muammolar deputatning muammolarni qayd qilish jurnaliga kiritildi va ularni qisqa fursatda bartaraf etish boʻyicha shaxsiy ijro nazoratiga olindi.

📌 Tashkilotchilar va ishtirokchilar: Mazkur amaliy oʻrganish Xalq deputatlari Olmaliq shahar Kengashi deputati Abdujabbor Djurayev hamda Kengash kotibiyati mudiri Sevara Qodirova boshchiligida oʻtkazildi. Tadbirni yuqori saviyada tashkil etishda Xalq deputatlari Olmaliq shahar Kengashi kotibiyat bosh mutaxassisi Muhriddin Begmatov faol va tashabbuskorlik koʻrsatdi.
Oʻrganish yakunida maktab jamoasiga yangi oʻquv yilida muvaffaqiyatlar tilandi. Farzandlarimiz kelajagi va salomatligi uchun masʼuliyatli ishlarimiz izchil davom etadi!