Xalq deputatlari Mirzo Ulug‘bek tumani Kengashi deputati Shavkat Abdukamilov “Ulug‘bek” mahallasida bo‘lib, hududda olib borilayotgan obodonlashtirish, ko‘kalamzorlashtirish va tozalik ishlari bilan yaqindan tanishdi.

Tashrif davomida mahalla yettiligi mas’ullariga zarur ko‘rsatmalar berilib, O‘zbekiston Respublikasi mustaqilligining 35 yilligi bayramini munosib kutib olish va yuqori saviyada nishonlash yuzasidan aniq vazifalar belgilab olindi.

Xususan, mahalla markaziy hiyobonlarini Mustaqillikni tarannum etuvchi bannerlar va bezaklar bilan bezatish, kam ta’minlangan oillar holidan xabar olish, bayram tadbirlarini mazmunli tashkil etish masalalari ko‘rib chiqildi.

Shuningdek, hududdagi tadbirkorlarni homiy sifatida jalb etgan holda bayram dasturxonini tashkil etish bo‘yicha ham kelishuvga erishildi. Mahalla yettiligi faoliyati tahlil qilinib, kelgusi ishlar bo‘yicha tegishli chora-tadbirlar belgilandi.