Hududlarda tadbirkorlikni rivojlantirish, investitsiyalarni jalb etish hamda yangi ish o‘rinlarini yaratish borasidagi ishlar izchil o‘rganilmoqda.
Kuni kecha Olmaliq shahridagi "Chambil" mahallasi hududida joylashgan, ofis mebellari va yuqori sifatli ofis kreslolari yetkazib berishga ixtisoslashgan "TUS BUERO" mas'uliyati cheklangan jamiyati faoliyati yaqindan o‘rganildi.

Mazkur investitsiya korxonasidagi ish jarayonlari, mahsulot sifati va ishchilarga yaratilgan sharoitlar bilan tanishish maqsadida hududga quyidagi ishchi guruh tashrif buyurdi:
Faxriddin Matasimov — Hudud deputati;
Sevar Qodirova — Xalq deputatlari shahar Kengashi kotibiyati mudiri;
Muhriddin Begmatov — Kotibiyat bosh mutaxassisi.

🔹Korxonaning bugungi kundagi quvvati, ichki bozorga sifatli ofis jihozlarini yetkazib berish imkoniyatlari tahlil qilindi.
🔹Korxonaga kiritilgan investitsiyalar hajmi va ularning hudud iqtisodiyoti rivojiga qo‘shayotgan hissasi baholandi.
🔹Tashrif davomida tadbirkorlik subyektining faoliyatini yanada kengaytirish, yangi ish o‘rinlarini yaratish hamda faoliyat davomida yuzaga kelayotgan masalalarga yechim topish borasida fikr almashildi.
"Mahalliy ishlab chiqaruvchilarni qo‘llab-quvvatlash va investitsiya korxonalari faoliyatiga to‘siq bo‘layotgan muammolarni bartaraf etish — hududni iqtisodiy jihatdan yuksaltirishning eng muhim omilidir." — Faxriddin Matasimov, hudud deputati


Mahalliy tadbirkorlarni har tomonlama qo‘llab-quvvatlash va ularga qonuniy doirada amaliy ko‘mak berish xalq vakillari hamda shahar Kengashi kotibiyatining doimiy diqqat markazida bo‘lib qoladi.