#162_Qonun

Xalq deputatlari Payariq tumani Kengashining 8-O‘rtato‘sin saylov okrugidan saylangan deputati B.Shakarov tomonidan 36-sonli davlat maktabgacha ta’lim tashkilotida bo‘lib, muassasada ta’lim-tarbiya jarayonining tashkil etilishi, yaratilgan shart-sharoitlar hamda tarbiyalanuvchilarga ko‘rsatilayotgan xizmatlar bilan yaqindan tanishildi.

O‘rganish davomida «Maktabgacha ta’lim va tarbiya to‘g‘risida»gi O‘zbekiston Respublikasi Qonuni talablariga muvofiq bolalarga sifatli ta’lim va tarbiya berish, ularning sog‘lom va har tomonlama rivojlanishi uchun yaratilgan sharoitlar, shuningdek, ta’lim jarayonining belgilangan me’yorlar asosida tashkil etilishiga alohida e’tibor qaratildi.

Shuningdek, muassasa faoliyatini yanada takomillashtirish, ta’lim sifatini oshirish hamda bolalar uchun xavfsiz va qulay muhitni ta’minlash yuzasidan mas’ullar bilan fikr almashilib, tegishli tavsiya va takliflar bildirildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|