Chilonzor tumanida hududlar obodonligini ta’minlash, sanitariya holatini yaxshilash hamda atrof-muhit musaffoligini saqlashga qaratilgan “Dolzarb 40 kun” tozalik va obodonlashtirish tadbirlari izchil davom ettirilmoqda.

Mazkur tadbirlar doirasida Xalq deputatlari Chilonzor tumani Kengashining 15-Naqqoshlik saylov okrugi deputati Nazirov Madaminjon Ma’rufjon o‘g‘lining shaxsan ishtiroki va nazorati ostida Naqqoshlik mahallasi hududida keng ko‘lamli sanitariya-tozalash va obodonlashtirish ishlari amalga oshirilmoqda.

Xususan, mahalla hududlari, ko‘p qavatli uylar atrofi va umumiy foydalanishdagi joylarni tartibga keltirish, to‘planib qolgan chiqindilarni bartaraf etish, hududlarning sanitariya holatini yaxshilash hamda ozoda va obod muhitni ta’minlashga alohida e’tibor qaratilmoqda.

“Dolzarb 40 kun” tadbirlarining asosiy maqsadi — hududlarda sanitariya-tozalash va obodonlashtirish ishlarini yanada kuchaytirish, chiqindilarni boshqarish tizimini takomillashtirish, ekologik barqarorlikni ta’minlash hamda aholining ekologik madaniyati va atrof-muhitga mas’uliyatli munosabatini yuksaltirishdan iborat.

Deputat tomonidan olib borilayotgan ishlar joyiga chiqqan holda o‘rganilib, hududning tozaligi va obodonligini ta’minlash, mavjud kamchiliklarni o‘z vaqtida bartaraf etish hamda aholi uchun yanada qulay va ozoda yashash muhitini yaratish masalalari doimiy nazoratga olingan.