📋 Májilis dawamında rayonda nızam ústemligin támiyinlew, huqıqbuzarlıqlardıń aldın alıw, puqaralardıń múrájatları menen islew hám jámiyetlik qáwipsizlikti bekkemlew baǵdarında ámelge asırılıp atırǵan jumıslar keń kólemde talqılandı.
⚖️ Dáslep, Shomanay rayonı Ádillik bólimi tárepinen 2026-jıldıń birinshi yarım jıllıǵında norma dóretiwshiligi, nızam hújjetlerin huqıqıy ekspertizadan ótkeriw, huqıqtı qollaw ámeliyatın jetilistiriw, huqıqıy mádeniyattı arttırıw hám puqaralar menen islew boyınsha ámelge asırılǵan jumıslar haqqında málimlemesi tıńlandı.
👮‍♂️ Sonday-aq, Shomanay rayonı Ishki isler bólimi tárepinen rayon aymaǵında huqıqbuzarlıqlardıń aldın alıw, jınayatshılıqqa qarsı gúresiw, jámiyetlik tártipti saqlaw, puqaralar qáwipsizligin támiyinlew, profilaktikalıq is-ilajlar hám operativ-qıdırıw jumıslarınıń nátiyjeleri haqqında esabat berildi.
📨 Májiliste sonıń menen birge, Shomanay rayonında xalıqtıń múrájatları menen islew boyınsha 2026-jıldıń birinshi yarım jıllıǵında ámelge asırılǵan jumıslar, múrájatlardı óz waqtında kórip shıǵıw, kóterilgen máselelerdi sheshiw hám puqaralar menen ashıq múnásibetlerdi jolǵa qoyıw baǵdarındaǵı jumıslar haqqında esabatlar tıńlandı.
💬 Esabatlar hám málimlemeler tıńlanǵannan soń turaqlı komissiya aǵzaları tárepinen máseleler boyınsha pikir almasıwlar bolıp, jumıslar nátiyjeliligin jáne de arttırıw, anıqlanǵan kemshiliklerdi saplastırıw hám nızam ústinligin bekkemlewge qaratılǵan tiyisli usınıslar bildirildi.
✅ Kún tártibindegi máseleler boyınsha tiyisli sheshimler qabıl etilip, turaqlı komissiyanıń juwmaqları tastıyıqlandı.
📑 Dodalanǵan máselelerdi Xalıq deputatları Shomanay rayonlıq Keńesiniń gezektegi sessiya májilisinde kórip shıǵıw ushın usınıs etiw haqqında tiyisli qararlar qabıl etildi.
🤝 Nızam ústemligin támiyinlew, korrupciyaǵa qarsı gúresiwdi kúsheyttiriw, puqaralar qáwipsizligin qamtamasız etiw hám xalıq múrájatlarına tiyisli dárájede itibar qaratıw boyınsha jumıslar izbe-iz dawam ettiriledi.