Xalq deputatlari Sardoba tumani Kengashi kotibiyat mudiri 14-may ish rejasi ijrosi yuzasidan Xalq deputatlari Sardoba tumani Kengashi deputatlari Q. O‘tayev hamda B. Suyunov tomonidan Birlik mahallasi hududida joylashgan “Gulzor” madaniyat markazida olib borilayotgan qurilish ishlarining holati o‘rganildi. O‘rganish jarayonida obyektda amalga oshirilgan qurilish ishlarida qator kamchiliklar va sifat talablariga to‘liq rioya etilmagan holatlar mavjudligi aniqlandi. Xususan, qurilish ishlari pudratchi tashkilot tomonidan belgilangan texnik talablar va qurilish me’yorlariga muvofiq darajada bajarilmaganligi qayd etildi. Deputatlar tomonidan mas’ullarga aniqlangan kamchiliklarni qisqa muddatlarda bartaraf etish, qurilish ishlarini sifatli va belgilangan talablar asosida yakunlash yuzasidan tegishli tavsiya va topshiriqlar berildi. Shuningdek, mazkur masala deputatlik nazorati asosida doimiy kuzatuvda bo‘lishi ta’kidlandi.