Qurilish ishlari jarayoni joyiga chiqqan holda o‘rganildi

Xalq deputatlari Termiz tuman Kengashi mutaxassisi T. Murodov tomonidan “Qahramon” MFY hududida barpo etilayotgan yangi umumta’lim maktabi qurilish ishlari joyiga chiqqan holda o‘rganildi.

O‘rganish davomida 330 o‘rinli yangi o‘quv binosi hamda 12×24 metr o‘lchamdagi sport zali qurilishining borishi, bajarilayotgan ishlar sifati, qurilish jadvaliga rioya etilishi va obyektdagi ishlarning holati bilan yaqindan tanishildi.

Shuningdek, mas’ullar bilan qurilish ishlarini belgilangan muddatlarda va sifatli yakunlash, zamonaviy ta’lim muassasasini foydalanishga topshirish yuzasidan fikr almashildi.

Yangi maktabning bunyod etilishi hududdagi o‘quvchilarga zamonaviy va qulay ta’lim sharoitlarini yaratish, ta’lim sifatini yanada oshirish hamda yoshlarning har tomonlama kamol topishiga xizmat qiladi.