O‘rganishlar davomida 15-Oybek saylov okrugi hududidagi Obod mahallasi aholisi tomonidan “Obod” kanaliga uzoq vaqt davomida oqar suv yetib kelmayotgani, bu esa hududdagi tomorqa va ekin maydonlarini sug‘orishda qator muammolarni keltirib chiqarayotgani yuzasidan murojaatlar kelib tushgan.

Mazkur murojaatni ijobiy hal etish hamda mavjud muammoni bartaraf qilish choralarini ko‘rish maqsadida deputat tomonidan tuman “Suv yetkazib berish xizmati” davlat muassasasi direktoriga rasmiy deputat so‘rovi yuborildi.

So‘rovda masalani vakolat doirasida atroflicha o‘rganish, kanalga suv yetkazib berish bilan bog‘liq muammoni bartaraf etish va amalga oshirilgan ishlar yuzasidan qonunchilikda belgilangan muddatda yozma ma’lumot taqdim etish so‘ralgan.