Sessiyada
Xalq deputatlari Kegeyli tumani Kengashi deputatlari, muassasa, korxona,
tashkilotlar rahbarlari va ommaviy axborot vositalari vakillari ishtirok etdi. Sessiya
ishini tuman hokimi A.Kamalov boshqardi. 

Sessiya majlisi kun tartibida; 

O‘zbekiston Respublikasi Prezidentining Kegeyli tumanidagi Xalq qabulxonasining tumandagi muassasa, korxona, tashkilotlarda murojaatlar bilan ishlash ishlarining borishi hamda mansabdor shaxslarning mas’uliyatini oshirish to‘g‘risidagi axboroti haqida. 

O‘zbekiston Respublikasi Vazirlar Mahkamasining 2024-yil 11-oktyabrdagi 665-sonli qaroriga muvofiq Kegeyli tumani obodonlashtirish boshqarmasiga tegishli ichki yo‘llarni saqlash va ta’mirlash ishlari bo‘yicha 2025-yil uchun dastlabki manzilli ro‘yxatini tasdiqlash to‘g‘risida. 

Tashabbusli byudjet jarayonining 2025 yil birinchi mavsumida jamoatchilik fikri asosida shakllantirilgan va ovoz berish yakuni bilan "g‘olib" deb topilgan loyihalarni aniqlash va ularni byudjet mablag‘lari hisobidan moliyalashtirish to‘g‘risida. 

Hududlarda atrof-muhitni muhofaza qilish bo‘yicha amalga oshirilayotgan ishlar to‘g‘risida Kegeyli tumani ekologiya va atrof-muhitni muhofaza qilish bo‘limi boshlig‘ining hisoboti haqida. 

Kegeyli tumanida davlat maktabgacha ta’lim tashkilotlaridagi tarbiyalanuvchilarning sifatli ovqatlanishini ta’minlash jarayonlarini va ularga yetkazib berilayotgan mahsulotlarning sifatini nazorat qilish bo‘yicha "deputatlik nazoratini" kuchaytirish to‘g‘risida. 

Kegeyli tumanida suvdan foydalanuvchilar kesimida vegetatsiya davrida qishloq xo‘jaligi ekinlarini sug‘orish uchun suv olish limitlarini tasdiqlash to‘g‘risida hamda Xalq deputatlari Kegeyli tumani Kengashining vakolatiga kiradigan boshqa masalalar ko‘rib chiqildi. 

Kun tartibida ko‘rib chiqilgan barcha masalalar bo‘yicha fikr-mulohazalar tinglanib, tegishli qarorlar qabul qilindi.