Sportchi yoshlar bilan ochiq muloqot va e’tirof tadbiri 

Oltiariq tuman hokimi Sh.Turdaliyev, Xalq deputatlari tuman Kengashi raisi, O‘zbekiston Respublikasi Xalq o‘qituvchisi X.Raximov,
tuman prokurori R.Tillayev, Agrobank ATB Farg‘ona viloyat boshqarmasi boshlig‘i D.Sotvoldiyevlar bilan birgalikda “Yoshlar kuni” doirasidagi dastlabki tadbirni Farovon MFYda joylashgan 6-umumta’lim maktabida boshladilar. Ta’lim muassasasida sportning turli yo‘nalishlari bo‘yicha tashkil etilgan to‘garaklar faoliyati, sportchi yoshlarning erishgan yutuq va natijalari bilan yaqindan tanishildi. Mahalla yoshlari va maktab o‘quvchilari voleybol, basketbol, yengil atletika, badiiy gimnastika, shuningdek shaxmat-shashka kabi ommaviy sport turlari bo‘yicha o‘z mahoratlarini namoyish etdilar. Tadbir davomida bir guruh chempion va faol yoshlarga tuman hokimining esdalik sovg‘alari topshirildi. Shuningdek, tuman hokimi sportchi yoshlar bilan ularning kelgusi rejalari, maqsad va intilishlari yuzasidan suhbat o‘tkazdi.