Ta’limga e’tibor - kelajakka sarmoya

👍Xalq deputatlari Samarqand viloyati Kengashi deputati Muhiba Sayfiddinova saylov okrugida joylashgan Toyloq tumanidagi 50-sonli umumiy o‘rta ta’lim maktabi faoliyati bilan tanishdi.

👍2005-yilda hashar yo‘li bilan barpo etilgan mazkur ta’lim muassasasida ayni paytda 373 nafar o‘quvchi 2 smenada tahsil olmoqda. Maktabda 10 ta sinf xonasi mavjud bo‘lib, ularning barchasi dars jarayoni uchun foydalanilmoqda. Natijada fan laboratoriyalari, kutubxona, sport zali, ma’naviyat va tibbiyot xonalari kabi zarur infratuzilma obyektlarini to‘liq tashkil etish imkoniyati cheklanganligi maktab rahbariyati hamda ota-onalar tomonidan ma’lum qilindi.

Qo‘shimcha mashg‘ulotlar va to‘garaklar tashkil etish imkoniyati ham mavjud sharoit sababli cheklanib qolmoqda.

👍Shu bilan birga, maktab jamoasi mavjud imkoniyatlardan unumli foydalanib, yuqori natijalarga erishib kelayotganligi quvonarli, xususan, harbiy-vatanparvarlik yo‘nalishidagi “Yosh chegarachilar” musobaqasining respublika bosqichida 1-o‘rin hamda ikki marotaba 4-o‘rinni egallagani ta’lim muassasasida iqtidorli yoshlar va salohiyatli pedagoglar borligini ko‘rsatadi.

👍O‘rganish jarayonida aniqlangan masalalar yuzasidan maktabning moddiy-texnik bazasini mustahkamlash, qo‘shimcha o‘quv xonalari qurish hamda sport va madaniy infratuzilmani yaxshilash bo‘yicha takliflar shakllantirildi. Ushbu yo‘nalishlarda tegishli tashkilotlarga deputatlik so‘rovi yuborildi.

👍 Ta’lim muassasalarida munosib shart-sharoit yaratish — kelajak avlod kamoloti uchun mustahkam poydevor. Zero, yoshlar ta’limiga qaratilgan e’tibor — mamlakat taraqqiyotiga qaratilgan e’tibor.

@sam_vil_deputatlari