Deputat saylovchilar bilan uchrashdi

Xalq deputatlari Sherobod tumani Kengashining 16-“Katta hayot – Do‘stlik” saylov okrugidan saylangan deputati T. Mirzayev tomonidan o‘z saylov okrugida saylovchilar bilan uchrashuv tashkil etildi.

Uchrashuv davomida deputat tomonidan hududda amalga oshirilayotgan ijtimoiy-iqtisodiy islohotlar, obodonlashtirish va infratuzilmani rivojlantirish borasida olib borilayotgan ishlar haqida batafsil ma’lumot berildi. Shuningdek, aholini qiynayotgan dolzarb masalalar, jumladan, kommunal xizmatlar sifati, bandlikni ta’minlash, yoshlar va xotin-qizlarni qo‘llab-quvvatlash yo‘nalishlaridagi muammolar muhokama qilindi.

Saylovchilar tomonidan bildirilgan taklif va murojaatlar deputat tomonidan atroflicha tinglanib, ularni hal etish yuzasidan tegishli tashkilotlar bilan hamkorlikda aniq chora-tadbirlar belgilanilishi ta’kidlandi. 

Uchrashuv ochiq muloqot va savol-javob tarzida o‘tkazilib, fuqarolarning fikr va takliflari inobatga olinishi, ularning huquq va manfaatlarini himoya qilish deputat faoliyatining ustuvor yo‘nalishi ekanligi qayd etildi.