Qonunchilik palatasi deputati tumanda mahallalar faoliyatini o‘rgandi

Oliy Majlis Qonunchilik palatasi deputati Go‘zal Samiyeva Sariosiyo tumaniga tashrif buyurib, mahallalar faoliyati bilan yaqindan tanishdi. Tashrif davomida deputat mahalla fuqarolar yig‘inlarida amalga oshirilayotgan ishlar, aholini ijtimoiy qo‘llab-quvvatlash, bandlikni ta’minlash hamda yoshlar va xotin-qizlar bilan ishlash yo‘nalishlaridagi faoliyatni o‘rgandi.

Shuningdek, hududlarda mavjud muammolar, ularning yechimi bo‘yicha taklif va tashabbuslar muhokama qilindi. Fuqarolar bilan o‘tkazilgan uchrashuvlarda aholini qiynayotgan masalalar tinglanib, ularni bartaraf etish yuzasidan tegishli tavsiyalar berildi.

Deputat mahalla tizimini yanada takomillashtirish, joylarda olib borilayotgan islohotlar samaradorligini oshirish hamda aholi bilan muloqotni kuchaytirish muhim ekanini ta’kidladi.

Tashrif yakunida aniqlangan masalalar yuzasidan tegishli tashkilotlarga tavsiyalar berildi.