Xalq deputatlari Bag‘dod tumani Kengashi deputati G.Usmonova, O‘zbekiston Ekologik partiyasi Bag‘dod tumani Kengashi raisi A.Abdurahmonov hamda tuman Kengashi kotibiyati mudiri G‘.Abdullayevlar tomonidan hududlarda amalga oshirilayotgan ishlar, aholi muammolari yuzasidan joyiga chiqqan holda o‘rganish ishlari olib borildi.

        Tashrif doirasida Bag‘dod tumanidagi Bordon mahalla fuqarolar yig‘iniga borilib, mahalla faollari hamda “Mahalla yettiligi” a’zolari bilan uchrashuv tashkil etildi. Uchrashuv davomida hududni ijtimoiy-iqtisodiy rivojlantirish, aholi bandligini ta’minlash, ekologik muhitni yaxshilash masalalari muhokama qilindi. 

        Shu bilan birga, mahalla hududida joylashgan 43-sonli Davlat maktabgacha ta’lim tashkilotida mavjud shart-sharoitlar o‘rganildi. Maktabgacha ta’lim muassasasida tarbiyalanuvchilar uchun yaratilgan qulayliklar, oziq-ovqatlar sifati, sanitariya-gigiyena holati va qish mavsumida isitish tizimi ko‘zdan kechirildi.

       Shuningdek, Mahalla infratuzilmasini yaxshilash bo‘yicha amalga oshirilayotgan ishlar joyiga chiqib o‘rganildi.