Xalq deputatlari Bag‘dod tumani Kengashi kotibiyat mudiri G‘. Abdullayev hamda tuman Kengashi deputati G‘. Ermatovlar Navro‘z mahalla fuqarolar yig‘iniga tashrif buyurib, mahallada faoliyat olib borayotgan “Mahalla yettiligi” a’zolari bilan uchrashuv o‘tkazildi. 

   ️ Uchrashuvda hududda amalga oshirilayotgan ishlar, mavjud muammolar va aholini qiynayotgan masalalar yuzasidan atroflicha fikr almashdilar.

Uchrashuv davomida mahalla infratuzilmasini yaxshilash, ijtimoiy himoyaga muhtoj oilalarni qo‘llab-quvvatlash hamda obodonlashtirish ishlari bo‘yicha olib borilayotgan chora-tadbirlar muhokama qilindi. “Mahalla yettiligi” tomonidan hududdagi dolzarb muammolar va ularni bartaraf etish yuzasidan takliflar bildirildi.

 ️ Shuningdek, tashrif doirasida mahalla va ijtimoiy soha obyektlaridagi mavjud muammolar o‘rganilib, ularni hal etish bo‘yicha tegishli mutasaddilarga “deputatlik so‘rov” lari yuborildi. Aniqlangan kamchiliklarni bartaraf etish, aholi murojaatlarini o‘z vaqtida ko‘rib chiqish va mahallada ijtimoiy-iqtisodiy holatni yanada yaxshilash bo‘yicha amaliy choralar belgilab olindi.