Murojaat yuzasidan deputat joyiga chiqib o‘rganish ishlarini olib bordi

Xalq deputatlari Paxtakor tuman Kengashi 9-Olmazor saylov okrugi deputati Zafar Djumaboyev "Olmazor" mahalla fuqarolari tomonidan bildirilgan murojaat asosida masalalarni joyiga chiqqan holda o‘rgandi. 

Tashrif davomida fuqarolar tomonidan ko‘tarilgan muammolar - ichki yo‘llar holati, ichimlik suv ta’minoti, ko‘cha yoritish tizimi hamda ijtimoiy yordam masalalari atroflicha ko‘zdan kechirildi. Har bir holat joyida tahlil qilinib, mavjud kamchiliklarni bartaraf etish bo‘yicha aniq vazifalar belgilandi.

Shuningdek, ehtiyojmand oilalar va ularning yashash sharoiti va davolanish bilan bog‘liq masalalari o‘rganildi. 

Deputat tomonidan ta’kidlanganidek, har bir murojaat e’tiborsiz qolmaydi, muammolarni joyiga chiqib o‘rganish esa ularni tezkor va samarali hal etishning eng muhim omilidir.