⚡ELEKTR SIMYOG‘OCHLARINI ALMASHTIRISH MASALASI NAZORATGA OLINDI

Baxmal tumani Muzbuloq mahalla fuqarolar yig’inidagi So’pi qishlog’idagi elektr uzatish tarmoqlarining eskirganligi, yog‘och simyog‘ochlarning yaroqsiz holga kelgani hamda xavfsizlik
talablariga to‘liq javob bermayotgani yuzasidan fuqarolardan murojaatlar kelib tushmoqda. 

Mazkur holatni inobatga olib, tegishli mutasaddi tashkilotlarga Xalq deputatlari Baxmal tuman Kengashiga 4-“Qorasuv” saylov okrugidan saylangan deputat Sodiqov Shavkat tomonidan deputatlik so‘rovi yuborildi.  

So‘rovda: eskirgan va avariya xavfi mavjud simyog‘ochlarni xatlovdan o‘tkazish, bosqichma-bosqich yangisiga almashtirish, aholi xavfsizligini ta’minlash va elektr ta’minotidagi uzilishlarning oldini olish masalalari ko‘tarildi. 

Mazkur masala ijrosi yuzasidan javob kutilmoqda va jarayon doimiy nazoratda bo‘ladi.