Mahalliy Kengash deputatlari 19-Xo‘jaubbon saylov okrugi deputati R.Atoyeva tomonidan Marziya mahalla fuqarolar yig’inida jinoyatchilikni oldini olish masalalari yuzasidan aholi bilan ochiq muloqot o’tkazildi. Suhbat davomida mahallada huquqbuzarliklarni barvaqt aniqlash, yoshlar o’rtasida jinoyatchilikka moyillikni kamaytirish hamda profilaktik tadbirlarni kuchaytirish masalalariga alohida e’tibor qaratildi.

Shuningdek, fuqarolarning murojaatlari tinglanib, mavjud muammolar yuzasidan tegishli tushuntirishlar berildi. Deputat huquq-tartibot organlari va mahalla faollari bilan hamkorlikni yanada mustahkamlash, aholining huquqiy ongi va madaniyatini oshirish orqali jinoyatchilikni oldini olish bo’yicha aniq taklif va tavsiyalarni bildirdi.

Mazkur suhbat jinoyatchilikka qarshi kurashish, aholi tinchligi va xavfsizligini ta’minlash hamda mahallada sog’lom ijtimoiy muhitni shakllantirishga qaratilgani bilan ahamiyatli hisoblanadi.