Romitan tuman markazidan 265 kilometr uzoqlikda, Qizilqum kengliklari bag‘rida, qo‘shni Xorazm viloyatiga chegaradosh, mamlakatimizning janubiy “qon tomiri” – Amudaryo boʻyida "Qizilravot" mahalla fuqarolar yigʻinida istiqomat qiluvchi yoshlar uchun yangi imkoniyatlar yaratildi. 

Jumladan, hududdagi 39-umumtaʼlim maktabida Romitan tuman "Kelajak" markazining "Robototexnika va konstruktorlik" va "Ingliz tili" tarmoq toʻgaraklari oʻz faoliyatini boshladi. 

Ushbu toʻgaraklarda mashgʻulotlarni yoʻnalish boʻyicha mutaxassis kadrlar olib boradi. Mashgʻulotlar masofadan turib(online) koʻrinishda tashkil etildi.

1-Sadriddin Ayniy saylov okrugi deputati, tuman hokimi Umedjon Barnoyev va tuman mutassadilari, viloyat "Kelajak" markazi direktori Muxammadjon Kamildjanov tomonidan faoliyatni boshlagan toʻgarak a’zolariga omad tilanib, esdalik sovgʻalari topshirildi.