Andijon mahallasida obodonlashtirish va infratuzilmani yaxshilash bo'yicha takliflar deputatlari tomonidan joyida o'rganildi. 

Xalq deputatlari Oqoltin tumani Kengashi 20-Istiqlol saylov okrugi deputati X.Suvonov boshchiligida Andijon mahallasida sayyor o‘rganish ishlari o‘tkazildi. Unda mahalliy budjet va ichki imkoniyatlar hisobidan mahallani obodonlashtirish hamda aholi uchun xavfsiz va qulay yashash muhitini yaratish ustuvor vazifa etib belgilandi. 

Ichki yo‘llarni ta’mirlash, piyodalar yo‘laklarini barpo etish, bolalar o‘yin maydonchalarini tashkil etish, ichimlik suvi va elektr ta’minotini yaxshilash hamda boshqa infratuzilmalarni rivojlantirish bo‘yicha takliflar joyida ko‘rib chiqildi. 

Shuningdek, o‘rganish jarayonida mahalla aholisi bilan muloqotlar o‘tkazilib, ularning taklif va mulohazalari tinglandi. 

✍️ Xalq deputatlari Oqoltin tumani Kengashi kotibiyati.