Xalq deputatlari Olmazor tumani Kengashining Bo‘stonobod okrugi deputati Umida Fayziyeva tomonidan mahalla hududida fuqarolar bilan ochiq va samarali muloqot o‘tkazildi. Uchrashuv davomida deputat o‘zining o‘tgan davrdagi faoliyati, amalga oshirilgan ishlar, hududni ijtimoiy-iqtisodiy rivojlantirish borasida ko‘rilgan chora-tadbirlar hamda kelgusidagi ustuvor vazifalar yuzasidan mahalla aholisiga batafsil axborot berdi.

Shuningdek, uchrashuv doirasida fuqarolar uchun sayyor qabul tashkil etilib, aholi tomonidan bildirilgan murojaatlar, taklif va muammolar tinglandi. Xususan, ijtimoiy himoya, bandlik, kommunal xizmatlar sifati bo‘yicha ko‘plab savollar ko‘tarildi.

Deputat tomonidan har bir murojaat yuzasidan tegishli tushuntirishlar berilib, ayrim masalalar joyida hal etildi. Qo‘shimcha o‘rganish talab etiladigan murojaatlar esa belgilangan tartibda tegishli tashkilotlarga yo‘naltirilib, ijrosi deputat nazoratiga olindi.

Mazkur uchrashuv mahalla fuqarolari bilan o‘zaro hamkorlikni mustahkamlash, ularning muammolarini o‘z vaqtida aniqlash va hal etishga qaratilgan bo‘lib, bunday tadbirlar kelgusida ham muntazam davom ettirilishi ta’kidlandi.