Usı jıldıń 9-yanvar kúni «Qaratereń» mákan puqaralar jıyını aymaǵındaǵı 12-sanlı mektep imaratında Xalıq deputatları Taxtakópir rayonlıq Keńesine 12-sanlı «Berdax» saylaw okruginen deputat Begmanov Erniyaz Allaniyazovich saylawshılar menen ushırastı.

Ushırasıwda mámleketimizde hám jámiyetimizde bolıp atırǵan siyasiy jańalıqlar, Ózbekstan Respublikası Prezidenti, húrmetli Shavkat Miromonovich Mirziyoev tárepinen Oliy Majlis hám Ózbekstan xalqına jollanǵan gezektegi Múrájatında mámleketimizdi sociallıq-ekonomikalıq rawajlandırıw, xalıqtıń turmıs dárejesin bunnan bılay da arttırıw, bilimlendiriw, densawlıqtı saqlaw, isbilermenlikti 

qollap-quwatlaw, máhállelerdi rawajlandırıw jáne jaslar hám hayal-qızlar máselelerine ayrıqsha itibar qaratılǵanı bárshemiz ushın tiykarǵı qollanba bolıp xızmet etetuǵınlıǵın aytıp ótti.

Ushırasıw sońında puqaralardıń múráját hám usınısları tıńlandı.