🔰Xalq deputatlari Chinoz tumani Kengashi deputati Elyorjon Saidov tashabbusi bilan tumandagi "Xo‘ja" mahallasining "Istiqlol" ko‘chasida infratuzilmani yaxshilash bo‘yicha amaliy ishlar olib borilmoqda.

♻️Xususan, hududda beton lotoklar hamda muhandislik kommunikatsiyalari uchun mo‘ljallangan konstruksiyalar o‘rnatilmoqda. Ushbu ishlar yog‘ingarchilik suvlarini tartibli ravishda oqizish, yo‘l va piyodalar harakatini qulay, xavfsiz tashkil etishga xizmat qiladi. Qurilish jarayonlari belgilangan texnik talablar asosida, mutaxassislar ishtirokida amalga oshirilmoqda.

✅Mazkur loyiha mahalla infratuzilmasini zamonaviy talablarga moslashtirish, aholi uchun qulay yashash sharoitlarini yaratish hamda hudud obodonligini ta’minlashga qaratilgan. Kelgusida ham "Xo‘ja" mahallasida ijtimoiy-iqtisodiy muammolarni hal etish, aholining turmush darajasini oshirishga qaratilgan ishlar izchil davom ettirilishi rejalashtirilgan.