Xalq deputatlari Chinoz tumani Kengashi deputati Mirsoat Mirsodiqov tomonidan tumandagi Alisher Navoiy mahalla fuqarolar yig‘inida bo‘lib, mahallada ijtimoiy-iqtisodiy sohada amalga oshirilayotgan ishlar holati o‘rganildi.

O‘rganish jarayonida hokim yordamchilari tomonidan olib borilayotgan ishlarning samaradorligi, xususan, aholining bandligini ta’minlash, daromad manbalarini yaratish, tadbirkorlikka jalb etish hamda aholini kambag‘allikdan chiqarishga qaratilgan manzilli dasturlar ijrosi tahlil qilindi.

Shuningdek, aholi bilan olib borilayotgan ishlar samaradorligi, muammolarni aniqlash va ularni hal etish bo‘yicha ko‘rilayotgan choralar yuzasidan tegishli xulosalar chiqarildi. Aniqlangan masalalar bo‘yicha mas’ul xodimga ishlar samaradorligini oshirish yuzasidan zarur tavsiyalar berildi.

Mazkur o‘rganishlar aholi farovonligini oshirish, kambag‘allikni qisqartirish va manzilli ijtimoiy qo‘llab-quvvatlash tizimini takomillashtirishga xizmat qilmoqda.