Usı jıldıń 8-yanvar kúni rayon orayındaǵı 4-sanlı mektep imaratında Xalıq deputatları Taxtakópir rayonlıq Keńesine 9-sanlı «A.Dabilov» saylaw okruginen deputat Primbetov Najimatdin saylawshılar menen ushırastı.

Ushırasıwda mámleketimizde hám jámiyetimizde bolıp atırǵan siyasiy jańalıqlar, prezidentimiz múrájatında mámleketimizdi rawajlandırıw, xalıqtıń turmıs dárejesin arttırıw, kámbaǵallıqtı qısqartıw, isbilermenlikti qollap-quwatlaw, bilimlendiriw hám densawlıqtı saqlaw tarawındaǵı reformalar haqqında maǵlıwmatlar berildi.

Ushırasıw sońında puqaralardıń múráját hám usınısları tıńlandı.