PREZIDENT MUROJAATNOMASI TARGʻIBOTI

Navoiy viloyati Maktabgacha va maktab ta’limi boshqarmasi tasarrufidagi umumta’lim maktablarida O‘zbekiston Respublikasi Prezidenti Shavkat Mirziyoyevning Oliy Majlisga va O‘zbekiston xalqiga yo‘llagan Murojaatnomasining mazmun-mohiyatini keng jamoatchilikka yetkazishga qaratilgan targ‘ibot uchrashuvlari tashkil etilmoqda.

Navoiy shahridagi 22-umumiy oʻrta ta’lim maktabida tashkil etilgan tadbirda viloyat Maktabgacha va maktab ta’limi boshqarmasi mas'ul xodimasi Dilfuza Imomova, Xalq deputatlari Navoiy shahar Kengashi deputati Feruza Fayziyevalar soʻzga chiqib, Murojaatnomada belgilangan ustuvor yoʻnalishlar, jumladan, ta’lim tizimini izchil rivojlantirish, zamonaviy yondashuv va ilgʻor tajribalarni joriy etish borasida davlat rahbari tomonidan ilgari surilgan muhim tashabbuslar hamda ularning ta’lim sohasi taraqqiyotiga koʻrsatayotgan ijobiy ta’siri yuzasidan atroflicha fikr-mulohazalar bildirdi.