Сессия кун тартибига қуйидаги масалалар кўрилди:

* Янгиқўрғон туманининг 2026 йилги маҳаллий бюджетини тасдиқлаш. 

* Ўзбекистон Республикаси Президентининг 2024 йил 20 декабрдаги 

ПФ-223-сонли фармонининг 2-бандига асосан туманни барча соҳаларда 

ижтимоий-иқтисодий ривожлантириш бўйича ишлаб чиқилган 9 та кичик дастурлар.

* 2026 йилда туман бўйича сув ресурсларидан фойдаланганлик учун солиқ ва ер қаъридан фойдаланганлик учун базавий солиқ ставкаларига қўлланиладиган камайтирувчи ва оширувчи коэффициентларни қўллаш.

* Ўзбекистон Республикаси Президентининг 2025 йил 15 майдаги 

2030 йилгача бўлган даврда аҳолининг экологик маъданиятини юксалтириш концепциясини тасдиқлаш тўғрисидаги ПҚ-184-сон қарори ижросини таъминлаш мақсадида туман Экология ва атроф-муҳитни муҳофаза қилиш ва иқлим ўзгариши бўлими бошлиғининг ҳисоботи.

* Халқ депутатлари Янгиқўрғон туман  Кенгаши раисини сайлаш.

Конституциянинг ўтиш қоидаларига мувофиқ, 2026 йил 1 январдан бошлаб барча туман (шаҳар) Кенгашларида депутатлар орасидан Кенгаш раиси сайлаш тартиби жорий этилиши белгиланган.

Шунга кўра, сессияда депутатлар овоз бериш йўли билан 16 - Бешбулоқ сайлов округидан сайланган депутат, ЎзЛиДеП аъзоси Мамажонов Равшан Рахмоновични Халқ депутатлари Янгиқўрғон туман Кенгаши раиси этиб сайладилар.

Баҳс ва музокаралар билан ўтган сессия якунида Халқ депутатлари туман Кенгашининг тегишли қарорлари қабул қилинди.