Ўзбекистон Республикаси Президенти Шавкат Мирзиёевнинг Паламентга ва Ўзбекистон халқига Мурожаатномасида белгиланган вазифаларни амалга оширишда Ўзбекистон Халқ демократик партиясининг иштироки” мавзусида Наманган туман 37- сонли умумтаълим мактабида давра суҳбати ташкил этилди.

Давра сухбати Ўзбекистон Халқ демократик партияси масъул ходимлари, маҳаллий Кенгаш депутатлари, партия фаоллари, ва таълим ходимлари иштирок этдилар.

Давра суҳбатида Президентимиз Мурожаатномасида ижтимоий ҳимояни кучайтириш, камбағалликни қисқартириш, аҳолини даромадли қилиш, маҳаллаларни ривожлантириш ҳамда янги меҳнат бозорини шакллантириш каби устувор йўналишлар белгилаб берилганлиги ва ушбу вазифалар Халқ демократик партиясининг дастурий мақсадлари ва ижтимоий йўналтирилган сиёсий позицияси билан чамбарчас боғлиқлиги қайд этилди . Шу маънода партиямизнинг асосий вазифаси Мурожаатномада белгиланган йўналишларни жойларда тўғри тушунтириш, аҳолига етказиш ва уларни амалга ошириш жараёнида фаол иштирок этишдан иборат эканлиги билдирилиб, партиянинг депутатлари орқали маҳаллий кенгашларда аниқ таклифлар киритиш ҳамда ижтимоий аҳамиятга эга қарорлар қабул қилинишида ташаббускор бўлишликка чорланди.Тадбирда иштирокчилар томонидан бир қатор таклиф ва тавсиялар илгари сурилди.Давра суҳбати якунида Президент Мурожаатномасида белгиланган вазифаларни амалга оширишда Ўзбекистон Халқ демократик партиясининг фаол иштирокини таъминлаш,партия ташкилотларини ва депутатлик бирлашмалари фаолиятини янада самарали ташкил этиш, партия электорати манфаатларини ишончли ҳимоя қилишда ташаббускорликни ошириш муҳимлиги таъкидланди