Xalq deputatlari Muzrabot tumani Kengashiga saylangan deputatlar tomonidan saylangan hududlarida O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga yo‘llagan Murojaatnomasining mazmun-mohiyatini fuqarolarga yetkazishga qaratilgan targ‘ibot tadbirlari o‘tkazilmoqda. Unda ilgari surilgan ustuvor vazifalar chuqur o‘rganilmoqda.

Jumladan, Xalq deputatlari Muzrabot tumani Kengashi deputatlari Kenjayeva Mazluma va Tangirov Tursunqullar “Oriyat”, “Yangiyer” mahallalarda o‘tkazilgan targ‘ibot tadbirlarida ishtirok etishdi. Tadbirda O‘zbekiston Respublikasi Prezidentining 2025-yil 26-dekabr kuni Oliy Majlisga va O‘zbekiston xalqiga taqdim etgan Murojaatnomasida belgilab berilgan ustuvor vazifalar, so‘nggi yillarda erishilgan natijalar hamda kelgusidagi asosiy yo‘nalishlarning mazmun-mohiyati ishtirokchilarga atroflicha tushuntirib berildi.

Tadbir yakunida O‘zbekiston Respublikasi Prezidenti Murojaatnomasida belgilangan vazifalarning joylarda samarali ijrosini ta’minlash yuzasidan fikr va takliflar bildirildi.