Ózbekstan Respublikası Prezidenti Shavkat Mirziyoyevtiń Oliy Majliske hám xalqımızǵa jollaǵan Múrájatında mámleketimizdi sociallıq-ekonomikalıq rawajlandırıw, xalıqtıń turmıs dárejesin arttırıw, nızam ústemligin támiyinlew hám puqaralardıń belsendiligin kúsheytiw baǵdarındaǵı
tiykarǵı wazıypalar belgilep alındı. 

Usı múnásibet penen, Xalıq deputatları rayonlıq Keńesi deputatları tárepinen Múrájattan kelip shıǵatuǵın wazıypalardıń orınlanıwın shólkemlestiriw boyınsha jıynalıs shólkemlestirildi. 

Ilajda Bozataw rayonı 8-sanlı mektep imaratında deputat Bekbosinova Gulshaxira 9-sanlı saylaw okruginde boldı. Prezident Múrájatında belgilengen sociallıq-ekonomikalıq reformalar, nızam ústemligin támiyinlew hám xalıqtıń turmıs dárejesin arttırıwǵa qaratılǵan wazıypalar boyınsha hár tárepleme pikir bildirdi. 

Bunnan soń, Múrájattıń mazmun-mánisin xalıq arasında ele de tereńirek túsindiriw, múrájattan kelip shıǵatuǵın wazıypalardı orınlarda nátiyjeli ámelge asırıw, deputatlar hám partiya belsendileriniń juwapkershiligin arttırıw boyınsha hár tárepleme túsindiriw jumısları alıp barıldı.